Kaso batok Alegado gibasura

Gibasura sa Sandiganbayan 7th Division ang kaso nga giatubang ni Consolacion Mayor Teresa Alegado sa kasong “unlawful appointment” sa usa ka department head sa munisipyo niadto pang 2011.

Matod sa hukom sa korte nga napakyas ang prosekusyon sa pagmatuod nga nakalapas ang mayor sa iyang pagtudlo kang Engr. Danilo Capangpangan.

Tungod niini, si manlalaban Irish Dwight Remedio, legal counsel ni Alegado, nihangyo sab korte nga ipalibkas ang

tulo ka buwan nga suspension order batok sa iyang kliyente nga mi-epekto niadtong Hunyo 9 ning tuiga.

Tungod niini, ang Sandiganbayan mopadala og kopya sa maong desisyon ngadto sa buhatan sa Department of Interior and Local Government (DILG) nga maoy mipatuman sa 90-day suspension batok kang Alegado.