‘HITMAN’ NI ‘BAROK’ NATIPI
GIINGONG MISUKOL ATOL SA BUY BUST SA DANAO POLICE
Giingong sinaligan sa druglord nga si Alvaro “Barok” Alvaro ang napatay samtang laing 40 ang nasikop atol sa Oplan Kalinaw Danao kagahapon sa buntag.
Samtang usa ka 13-anyos nga babaye ang na-rescure sa Women and Children’s Protection
Desk (WCPD) sa Consolacion Police Station human kini nataho nga anaa sa mga kamot sa usa ka 42-anyos nga suspected drug pusher.
Sa dakbayan sa Danao, naila ang hitman ni Barok nga si Jose Anthony Lopez Jr.,alyas “Tungro”, kinsa napatay atol sa buybust operation alas 10:43 sa buntag kagahapon sa Hi-way sa Brgy. Looc, Danao City .
Giingon nga nipabuto si Lopez ngadto sa kapulisan hinungdan nga gibaslan siya sa kapulisan ug naigo.
Nasakmit gikan kang Lopez ang usa ka kalibre .38 kalibreng revolver nga aduna’y duha buhing mga bala ug tulo ka mga basiyo.
Nasakmit usab sa kapulisan ang 11 ka pakete sa shabu nga aduna’y kantidad nga P297,950.
Sa dakbayan sa Sugbo, nakuhaan usab og P259,600 nga kantidad sa shabu si Jennifer Galan, 24, sa Barangay Pasil, Huwebes sa gabii.
Ang maong operasyon gipangulohan sa City Intelligence Branch sa Cebu City Police Office.
Sa lungsod sa Consolacion, na-rescue sa kapulisan ang usa ka 13-anyos nga babaye gikan ni Richard alias Ricky Oncenes, 42.
Nasikop si Oncenes, sa barangay Danglag, Consolacion niadtong Biyernes sa hapon.