4 Ulitawo nabangga sa ambulansiya

- Dead on spot ang usa ka 21-anyos nga ulitawo human nibangga ang gisakyang motorsiklo ngadto sa usa ka ambulansiya didto sa nasudnong dan duol sa National Irrigation Administration Office sa J.A Clarin St, dakbayan sa Tagbilaran niadtong Sabado. Giila ang biktima nga si Santos Namoc Jr., residente sa Barangay Dao, siyudad sa Tagbilaran. Sa pakisusi sa kapulisan nasayran nga ang biktima misuway sa pag- overtake sa nag-una nga sakyanan apan wa kini nakabalik dayon sa linya sa karsada nga miresulta sa pagkabangga ngadto sa usa ka ambulansiya sa lungsod sa Alicia diin magkuha kinig pasyente. Ang biktima nakaangkon og grabeng angol sa ulo diin nagbanaw ang dugo niini taliwala sa karsada hinungdan sa hinaling kamatayon sa biktima.