SuperBalita Cebu

'Mubo, dakog tiyan ug linginon'

- Atty. Salva Diputado (Ang kinatibuk-ang lindog ni Atty. Diputado mabasa sa www.sunstar.com.ph/superbalit­acebu/

Daghan nang gihubagkar­ong panahona.

Tiaw bay ang mga Parohinog sa Ozamiz nga gikaintapa­n nga mga “untouchabl­es” sa kanhiay nga panahon karon gibanatan na sa mga kapolisan.

Napatyan og nadakpan ang mga Parohinog.

Mag-atubang pa gyod sa daghang mga kaso.

Gawas pa kini sa personal nga kaligotgot ni PRRD kanila.

Sumala sa balita, si Ozamiz City Mayor Reynaldo “Aldong” Parojinog og laing14 ka buok namatay sa sunodsunod nga pag- raid nga gihimo didto sa San Roque Lawis, Ozamiz City kaniadtong kaadlawon sa Domingo.

Nakabagat og pagsukol ang mga kapolisan nga mipatuman sa 6 ka search warrants alang sa mga armas sulod sa panimalay sa mga Parohinog sa may mga alas 2:30 ang takna sa kaadlawon.

Ang anak ni Parohinog nga si Vice Mayor Nova Princess Parohinog og igsoon niini nga lalaki gidakop usab panahon sa pag-raid sa kapolisan og gidala dayon sa Camp Crame.

Patay-limod dayon ang gihimo sa duha.

Nagkalain-lain ang reaksiyon sa mga tawo.

Nalipay og naghudyaka ang mga loyalista ni PRRD.

“Tua na, mao na ni, impas patatas na gyod ning mga nalulong sa negosyo sa druga ani karon,” nagkanayon ang usa ka die-hard PRRD.

Daghan usab ang mipadayag sa ilang dakong pag-uyon sa gihimo sa kapolisan sa pag-raid sa mga Parohinog.

Dakong porsiyento ang mawala sa supply sa shabu nga moabot sa Cebu tungod sa pagkadakop sa mga Parohinog, matod pa sa usa ka dakong opisyal sa kapolisan sa PNP regional office.

Apan unsay gisulti ni Senador Franklin Drilon.

“Ngano kaha nga gi- serve man ang search warrant og kaadlawon nga angay man unta sa adlaw kini i- serve,” mao kini ang komentaryo ni Senador Franklin Drilon.

Miuyon sab si Senador Chiz Escudero sa gisulti ni Drilon kay matod pa niya, wala kini gitugot sa Rules of Court nga kaadlawon i- serve ang search warrant.

Naunsa ba kining mga tawhana.

Imbis modayeg sa gihimo sa kapolisan, gikwestiyo­n na man hinuon ang gihimo nga pag- raid.

Klaro kaayo nga pwede i- serve “any time” ang search warrant kay mao kini ang nakasulat sa mando ni RTC Judge Cecilyn Burgos-Villavert sa branch 89 sa Quezon City.

Sanglit gimando man ni Judge Villavert nga pwede i- serve “any time of the day or night” ang maong search warrant, nagpasabot nga gihatag sa Huwes ngadto sa kapolisan ang pagpili sa oras kanus-a himoa ang pag- raid.

Walay si bisan kinsa nga maka-kwestiyon sa gihimo sa mga police sanglit mao man kini ang mando sa RTC Judge nga mi-isyo sa maong search warrant.

Mogawas nga igo lang sila nagtuman sa mando sa huwes.

Nindot unta og kadtong mi-kwestiyon sa gihimo sa kapolisan mikuyog pa sa pag- raid og maoy nag-una sa grupo aron ilang mahibaw-an og unsay bation sa kapolisan panahon sa ilang pag- raid.

Labi na gyod nga ilado nga mga armado ang mga Parohinog.

Daghan ang nagpaabot nga isunod ang mga durugista sa Bohol.

Kon mahinumdom­an, dako ang katingala ni PRRD kon ngano nga daghan man ang natokhang sa Bohol nga unta nailhan man kuno nga mga relihiyoso ang mga Bol-anon.

 ??  ??

Newspapers in Cebuano

Newspapers from Philippines