Nganong nipatim-aw pa

Dear Papa Joe, Ako si Arnold, 28 years old ug ulitawo pero may uyab. Mao ni ang akong suliran karon. Kining akong uyab pinaangkan ni siya sa iyang uyab nga tua na sa America nagpuyo kay gipetisyunan sa iyang mga ginikanan. Wa gani kini mananghid sa akong uyab bisan nasayod siya nga mabdos. Mag 6 years old na ang bata pero wala gyud siya magpakabana niini.

Karon lang bag-o, nakig communincate siya sa ginakanan sa akong uyab ug sa laktod nga pagkasulti giangkon na niya niya ug magpadad-anan na ni og kwarta nga dinagko gyud ug nanagayo og sorry kay immature pa daw siya niadto. Mao ni akong suliran kay inig adto nako sa balay sa akong uyab kay di na man maaayoug tinagdan iyang mga ginikanan nako ug padungogdungogon pa ko nga datu na kuno ang ex sa akong uyab.

Nasakitan ko ug na insecure ko pero matud pa sa akong uyab di mahitabo nga makigbalik siya ato kay ako ang iyang love, unsa may buhaton nako nga nahulga na man ni nako ning tawhana? ARNOLD Arnold, Ang akong ikasulti nimo nga ayaw ka discourage kay giingnan man kaha ka sa imong uyab nga di mabalaka. Angay nga ipakita nimo sa imong uyab ang pagsabot para mo believe pa siya nimo. Ayaw lang kalain sa iyang ex kay iya man na obligasyon. Normal ra na sa iyang parents nga ingon ana sa pagkakaron kay makasilaw baya ang kwarta.

Dili pa katapusan, makahimo pa ka og labaw pa ana ug maningkamot ka. Salig lang gud kay kon ang imong ex na gyuy gusto nga makigbalik, iyaha gyud na ug dawaton nalang gyud nimo. Salamat. PAPA JOE

(sa inyong tampo ipadala lang sa papajoesuperb@ gmail.com)