Priso mipuga atol sa hearing

- Priso sa Bureau of Jail Management and Penology (BJMP) sa Baybay City mipuga samtang diha atubangan sa korte. Giila ang pugante nga si Job Porazo, dunay kaso kalabot sa drugas ug ilegal nga paghupot og armas. Sa closed circuit television camera (CCTV) footage sa korte, makita ang 12 ka binilango nga giubanan og tulo ka gwardya. Sa taho sa kapulisan, nakapaluag sa iyang kamot gikan sa pagkaposas ang pugante ug mikaratil pagdagan, milayat sa barrier ug misakay sa usa ka motor. Makita sa CCTV nga sa wa pa nakabuhi sa posas si Porazo, duna kini gisigihan og senyas sa gawas.