360 ka mga bata magtigi sa 2017 Alaska Ironkids karon

Mobida ang triathlon stars sa ugma damlag sa ilang pagsalmot sa nagkadaiyang age-group divisions sa Alaska IronKids Triathlon karong adlawa sa ShangriLa Mactan Resort and Spa sa dakbayan sa Lapu-Lapu.

Nagsilbe kining pagana alang sa gikaintapang Cobra Energy Drink Ironman 70.3 Championship nga ipahigayon ugma.

Kapin sa 360 ka mga bata nga nag-edad og sais ngadyo sa 14 anyos ang mopakita’g aksyon sa IronKids nga gibahin sa upat ka mga kategoriya.

Sila si Tara ug Francheska Borlain, nga ningdominar sa ilang tagsatagsa ka mga kategoriya sa nangaging IronKids event, nagpabilin nga mao ang labing inilog sa kalihukan.

Gawas sa mga Borlain, inilog sab sa torneyo sila si Tara ug Wacky Baniqued.

Ang age-group categories mao ang 6-8, 9-10, 11-12 ug 13-14 nga adunay 24 ka teams nga mokombati alang sa relay events.

Ang lumba giorganisar sa Sunrise Events, Inc. ug giabagan sa Cobra Energy Drink, Tourism Promotions Board Philippines ug Summit Natural Drinking Water.