Franz Sabalones, Rey Parojinog magkumpare

Police Regional Office-7 nagtuo nga ang Parojinog drug group sa Mindanao ug Sabalones drug group sa Central Visayas maoy nagtambayayong sa illegal drug trade sa kabisay-an.

Nasubay sa kapulisan ang relasyon sa duha ka mga grupo nunot sa kamatayon ni Manolito Cencil.

Nasubay na sa PRO 7 kinsa ug asa gikan ang ilang napatay nga giila nga level 2 drug pusher nga si Manolito Cencil niadtong miaging semana sa Barangay Tabunok, siyudad sa Talisay.

Matod ni Chief Supt. Jose Mario Espino nga di anak ni Mayor Reynaldo Parojinog sukwahi sa unang nigawas nga report, apan linudhan sa kasal.

Tungod sa maong impormasyon nga nakuha sa PRO 7, sila nagtuo nga nagkasosyo sa illegal nga negosyo ang duha ka mga grupo ug milig-on pa kini human matino nga ang usa sa mga miluhod sa kasal mao si Franz Sabalones.

“Masasabi natin na ang trust sa mga Parojinog nandoon because based on my report, kumpare din ni Ardot (Mayor Parojinog) si Sabalones. They acted as his godfathers in their marriage,” matod ni Espino.

Laing mga prominenting tawo nga mitambong ug nahimong mga kumpare sa duha ka mga bigtime drug personalities apan wa na mohatag og detalye ang opisyal.