MI-BLACKMAIL SA FB GIDAKOP

Gidakop na niadtong Biyernes sa hapon ang lalake nga gi- blockmail iyang kanhi uyab sa social networking nga Facebook didto sa Barangay Talamban, dakbayan sa Sugbo. Matod ni Regional Anti-Cybercrime Office (RACO) 7 chief Leo Shiroma Dofiles nga gidakop nila si Kayze Ryan Miñoza pinasikad sa warrant of arrest nga giisyu ni Cebu City Regional Trial Court Branch 10 Judge Soliver Peras.

Nag-atubang karon si Miñoza og kasong kalapasan sa Republic Act (RA) 9995, kun Anti-Photo and Video Voyeurism Act of 2009.

Anaa sa P70,000 ang piyansa base sa kamanduan ni Peras.

Nagsugod ang kaso dihang nipasaka ang kanhi uyab ni Miñoza, kinsa uyab niya sukad 2012 handtod 2016.

Nakigbuwag ang babaye human napul-an kini sa batasan ni Miñoza nga demanding.

Naglagot si Miñoza ug nihimo kini og Facebook account ug nigamit sa pangan ug hulagway sa iyang kanhi uyab.

Gi- upload usab niini ang hulagway nga kuha dihang nag- sex sila ug nihulga kini nga mo- post pa og daghang hulagway kon padayon kini nga baliwalaon sa iyang kanhi uyab.

Ubos sa RA 9995, gidili ang pagkuha og hulagway o video sa tawo nga nakighilawas o pribado nga parte sa lawas, pagkopya niini, pagbaligya ug ang pagpublikar niini.