Opisyal sa CPDRC 'nanghagit' og pinusilay, mihimakak
Assistant warden sa Cebu Provincial Detention and Rehabilitation Center (CPDRC) nga gipasanginlang nanghagit og pinusilay sa mga gwardiya sa prisohan, nanghimakak sa mga alegasyon.
Iya ning gihulagway nga di makiangayon ug way basehanan ang pasangil batok kaniya. Gihagit ni assistant warden Audesti Miguelang mga guwardya nga magpaila ug di lang magtago pinaagi sa anonymous letter.
Nagtuo siya nga gidumtan siya sa mga gwardiya nga iyang nasakpan ug gi- report nga nanghilabot sa supply sa pagkaon alang sa mga piniriso.
Hugot nga gihimakak niya ang pasangil sa nagpailang mga gwardiya sa prisohan nga nanghagit siya og pinusilay kanila bunga sa iyang kasuko nga nalangay sila pag-abli sa gate dihang niabot siya sa prisohan niadtong Hulyo 15 ug Hulyo 17.
Una niini, ang mga gwardiya nagpadala og suwat kang CPDRC officer-in-charge Bobby Legaspi ug sa mga opisyal sa Kapitolyo aron pagsumbong ang giingong “unprofessional” nga batasan ni Miguel.
Matod sa assistant warden nga wa mahitabo nga nibunot siya sa iyang armas ug niinggansa niini atubangan sa mga gwardiya.
Gani nasurpresa siya nga duna’y susama niini nga reklamo batok kaniya. “Of course not. It never happened,” pasabot ni Miguel. Dili na gusto nga mopatol ni Miguel sa pasangil sa mga gwardiya.
Gipaniguro niya nga tubagon kini niya sa insaktong
forum ug kon makadawat na siya og kopya sa reklamo.
Nagtuo siya nga nagdumot kaniya ang pipila ka mga sikyu sa CPDRC human 4 ka higayon niya nasakpan ang pipila kanila nga nihimo og mga iregularidad, sama sa pagpanguha sa
food supply nga moabot alang sa mga piniriso ug ang wa pag- report sa ilang poste bisan og oras tingtrabaho.
Gihagit niya ang mga gwardiya nga magpaila ug di ipaagi sa anonymous letter ang
ilang reklamo.
“If there are really legitimate individuals who are filing a complaint against me, they should at least come out in the open and identify themselves,” padayag sa assistant warden. Si Miguel maoy gitahasan sa pagtutok sa rehabilitation program alang sa mga piniriso. Apan matod niya, bawon usab niya sa pagsulod sa CPDRC ang marching order gikan sa gobernador paglimpyo sa prisohan gikan sa bisan unsang matang sa kahiwi-an.