Comelec nanginahangla'g dugang pundo: Castillano

Manginahanglan og dugang pundo ang Commission on Elections kon madayon ang pag-uswag sa barangay ug Sangguniang Kabataan elections ngadto sa Mayo sa sunod tuig.

Si Cebu Provincial Election Supervisor Lionel Marco Castillano niingon nakagasto na ang komisyon og pundo sa pagpaimprinta sa listahan sa mga botante nga makabotar sa piniliay, namalit ug nakahatod na usab kini og supplies nga gamitunon sa eleksyon sa lainlaing lugar sa nasod.

Matod niya kon mahinayon ang pagpahigayon sa barangay ug SK elections sa sunod tuig mohimo na usab sila og laing pagpangrehistro sa bag-ong mga botante.

Si Castillano namahayag mas maayo nga karon pa lang magkasinabot na ang Senado ug Ubos Balay Balauranan bahin sa pagpaoktaba sa duha ka piniliay aron dili na makagasto pa ang Comelec sa pagpangandam.

“Ang amo lang dili mausik ang kwarta sa katawhan,” pahayag niini.