HOST MALAYSIA LUBONG SA GILAS

Gikompleto pagharos sa Gilas Pilipinas cadets ang ilang tanang duwa sa preliminary

rounds niadtong Miyerkules sa gabii pinaagi sa pagdabo-dabo sa host Malaysia, 98-66, atubangan sa gipunsisukan nga MABA Stadium sa Kuala Lumpur, Malaysia.

Ang Fil-German nga si Christian Standhardinger mitali og 18 punto ug 18 ka rebound aron pangulohan ang cadets kinsa maoy mipatigbabaw sa Group A nga may 3-0 nga baraha.

Ilang ikasangka karong adlawa ang second placer sa Group B nga posibling ang Vietnam o Singapore.

Gawas lang sa first quarter ug sa sayong bahin sa second

quarter, ang Malaysia wa gyud makasikit sa Gilas kinsa padayon nga miarangkada aron malikayan ang disgrasya.

Mitumaw ang gamayng komosyon sa third quarter sa dihang nagkabingkil sila si Kevin Ferrer ug Kuek Tian Yuan nga nag-ilogay sa bola nga maoy hinungdan nga na- ejected ang duha ka Gilas players nga sila si Bryan Cruz ug Baser Amer nga maoy nakapahibulong sa kampo sa Gilas.

Apan wa kini makatarog sa determinasyon sa Gila Cadets kinsa padayon nga mimakmak sa Malaysia nga gisuportahan sa gatusan ka mga dumadapig nga mga Pinoy nga atoa na didto magbasehan.

Si Kobe Paras mikadlit og 16 puntos ug walo ka rebounds samtang midugang og tag 12 puntos sila si Keifer Ravena ug Troy Rosario.

Samtang napawong ang paglaom sa Perlas Pilipinas alang sa gold medal human kini miyukbo sa host Malaysia, 60-56.

Gilubong ang Perlas og 16 puntos apan mipaulbo kini og dakong rally nga nagtabla, 54-54. Apan ang duha ka clutch

shots sa Malaysia sa uwahing bahin maoy nagsira sa tinguha sa mga Pinay. Mga puntos: Philippines (98) - Standhardinger 18, Paras 16, Ravena 12, Rosario 12, Amer 10, Vosotros 6, Ferrer 6, Tolomia 5, Jose 4, Pessumal 4, Cruz 3, Parks 2.

Malaysia (66) - Kuek 14, Ting 10, Teo 9, Wong 8, Chee 7, Yeo 7, Loh 5, Lim 4, Ma 2, Wong 0, Soo 0. Quarterscores: 18-20, 4735, 73-46, 98-66. / JBM/Spin.ph