Gitawgan sa Kuratong?

ORMOC CITY - Usa ka negusyante ning dakbayan ang gitawagan sa usa ka lalake nga nagpailang sakop sa Kuratong Baleleng. Matod sa negusyante nga di gusto nganlan, pagtubag niya sa tawag nangita gilayon kaniya ang lalake. “Nahibong ko nga nakaila gyod siya nako hasta sa amo address,” matod sa negusyante. Matod niya, gisultian siya sa lalake nga dunay usa ka laing negusyante nga gusto sila ipapatay. “Ingon siya, Kuratong Baleleng sila, gun for hire daw. Naa daw nagsugo nila nga ipatira mi. Nagpadala na daw sila og tulo ka tawo unya gi background check daw mi nila unya mga but-an man daw mi,” matod sa negusyante.