Away sa Pryce gas ug Petronas

Unang nakamontar og negosyo ang Pryce Gas sa Naga nga gisundan sa Petronas nga kompetensya sa negosyong LPG. Sa pagsugod sa negosyo ang kompaniya mopakita sa plano ug desinyo sa depot sa Bureau of Fire Protection (BFP) alang sa Fire Safety Analysis. Kon mopasar ang BFP moisyo og fire safety permit aron makalukat ang kompniya og building permit.

Unya mobalik ang kompaniya sa BFP aron magpainspeksyon sa gitukod nga building. Kon tukma base sa lagda ang BFP moisyo og Fire Safety Evaluation Clearance (FSEC) ug Fire Safety Inspection Certificate (FSIC), mobalik ang kompaniya sa City Hall aron mangayo og occupancy permit dayong aplay og mayor's business permit.

Ang FSIC lukaton kada tuig para sa kada tuig usab nga paglukat og mayor's business permit. Sa 2013 pagkasunod tuig wala maisyohi og FSIC sa BFP-Naga ang Petronas kay mireklamo ang kakompetensya nga Pryce Gas sa pasangil nga nakalapas sa distance requirements sa kasikbit nga tangke nga 122 metros.

Nunot niini gimandoan ang fire marshall sa BFP-Naga nga ipasusi ang Petronas ug nakita nga walay kalapasan nga gikonpirmar usab sa BFP-Region hinungdan nga ang Pryce Gas miapilar sa BFP-Manila. Migula ang desisyon sa BFP-Manila nga dunay kala- SANDIGANAN pasan ang Petronas nunot sa mando nga pasirhan.

Mao nga ang Petronas miapilar sa desisyon pinaagi sa motion for reconsideration. Isip chief executive, si Mayor Val Chiong nga nangagni man gani sila og investors nga mobobo og pohonan miisyo sa makatulo ka higayon ngadto sa Petronas og conditional o temporary mayor's business permit sulod sa tagutlo ka bulan samtang tua pa sa Manila ang hurisdiksyon sa maong kontrobersiya tali sa Pryce Gas ug Petronas nga gibasi sa sinugdanan nga ang BFP-Naga nakaisyo og FSIC.

Subay niini ang Pryce Gas misang-at og kaso ngadto sa Ombudsman batok sa fire marshall ug Mayor Val Chiong. Gidismis ang kaso batok sa fire marshall samtang ang kasong graft ni Chiong giduso sa Sandiganbayan.

Napagan si Chiong sa away sa Pryce Gas ug Petronas. Apan sa pag-intra sa 2017, ang BFP-Naga miisyo nag FSIC sa Petronas hinungdan nga si Incumbent Mayor Kristine Vanessa Chiong miisyo og mayor's business permit. Busa ang kaso batok ni Mayor Val wala nay gibug-aton, wala nay polos. Sa iningles pa moot and academic o exercise in futility. Apan sa gihapon si Chiong moapilar sa hukom sa Ombudsman.

Naga nakaplagan sa Hunyo 12, 1859 panahon sa mga Katsila gikan sa narra nga maoy nasodnong kahoy.