400 partisipante sa GOAB 2017
Dili mominos 400 ang partisipante gikan sa kagamhanan ug pribadong sektor, lakip sa malampusong technology entrepreneurs gikan sa Southeast Asia ug Silicon Valley, ang nagkatapok sa Puerto Princesa, Palawan alang sa duha-ka-adlawng Geeks on a Beach (GOAB) 2017 sa miaging adlaw. Ang mga partisipante namati sa mga undanong pakigpulong gikan sa inila ug tinahod nga pangalan sa startup ug technology community. Dunay mga pakigpulong, panels, ug pagtuki sa managlahing breakout tracks sa matag sisyon. Malampusong Filipino-Ame nga sila si Yobie Benjamin ug Aldo Carrascoso nangulo sa mga inilang ngalan sa natad sa startups ug technology nga nangabot sa Princesa Garden Island Resort and Spa Hotel sa Puerto Princesa, Palawan.
Sa unang adlaw, giablihan sa keynote speeches ni Puerto Princesa Mayor Lucilo Bayron, Department of Information and Communications Technology Undersecretary Monchito Ibrahim, Voyager Innovations Vice President and Managing Director Dindo Marzan, ug Token.Io ug ClickSWITCH.com Chief Technology Officer Yobie Benjamin.
Gisundan kini sa panel “How Founders Can Navigate Treacherous Seas; Path to potential Unicorns in the Philippines”, ClickSWITCH. com, GlycoProX Biosciences, Veem, Jukin Media & Verego, Plug ug Play Technology Center, InnoVantage, Inc., StartUp Village, ug MobKard mopaambit sa ilang istorya.
Laing panel nag-ulohan og “Startup Ecosystem - How to increase # of successful startups in the Philippines” sa mamumuling gikan sa DICT, Department of Science and Technology - PCIEERD, Department of Trade and Industry, TechTalks.ph, IdeaSpace Foundation, ug Philippine Software Industry Association (PSIA).