Fish vendors midangop ni Osmeña

SuperBalita Cebu - - BALITA - PHILIP A. CEROIANO / Reporter

Nidangop sa Cebu City Hall ang 30 ka mga fish vendor kilid sa Unit-I sa Carbon Market human sila gidid-an sa opisyales sa barangay Ermita sa pagpaninda gumikan sa petisyon sa mga namuyo duol sa merkado.

Si Ma. Joy Geonzon, pangulo sa fish vendors, nagkanayon nga gi-demolish ang ilang mga pwesto niadtong Agusto 25 sa barangay human wa na sila nibayad og P10 nga arkabala sa Barangay Ermita sugod sa pagkasuspenso sa mga barangay official ug hangtod sila nakabalik.

Apan si Kapitan Felicisimo “Imok” Rupinta nagkanayon nga wa nila gi-demolish ang pwesto sa mga vendor apan ilang gidid-an sa pagtinda sanglit adunay reklamo sa 64 ka mga namuyo sa Katsilaan kay baho ug dangog ang lugar.

Gipasabot ni Rupinta nga iyang giaksyonan ang petisyon sa katawhan sanglit nibahad kini nga kon dili niya sulbaron ang maong problema, modangop sila sa Ombudsman aron magpatabang.

Matod pa ni Imok kinsa bag-ohay rang nakabalik sa katungdanan nga nahadlok siya nga mataktak sa trabaho gumikan sa wala paghatag og aksyon sa petisyon.

Gani iya pang gidasig nga adto itunol ang petisyon sa buhatan ni Mayor Tomas Osmeña apan ang mga residente nisalig sa iyang katakos. Gikuhaan og allowance Gianunsyo ni Mayor Osmeña nga sugod kagahapon, iya nang gihunong ang paghatag og financial assistance ngadto sa tanang barangay employees nga gilangkuban sa barangay tanod, lupon, barangay health worker ug uban pa gawas sa mga barangay garbage loader.

Matod pa ni Osmeña nga sama sa usa ka boxer, igo lang siya ni-counter punch ug iyang gihulagway nga di siya mapugos sa paghatag og allowance sa mga barangay worker sa Ermita sanglit di kini obligatory inay kabubot-on sa mayor.

Si City Legal Officer Atty. Joseph Bernaldez nagkanayon nga kwestyonabli ang collection sa barangay ug nibutyag nga bugtong ang City Treasurer’s Office lang ang adunay katungod sa pagkolekta. /

Newspapers in Tagalog

Newspapers from Philippines

© PressReader. All rights reserved.