Nangahadlok sa kapulisan?

SuperBalita Cebu - - BALITA -

Giingon nga tungod kay nahadlok, mao kini ang rason nga mas niminos ang pagpasaka og kaso sa publiko batok sa mga pulis.

Mao kini ang gibutyag sa tigpamaba sa National Police Commission (Napolcom) 7 diin nibutyag nga niminus ang kaso batok kapulisan nga natala sa ilang buhatan.

Kini itandi sa nakalabay nga administrasyon.

Matod ni Atty. Resty Sibay, tigpamaba sa Napolcom 7, nga tungod kay gisuportahan sa gobyerno kining mga operasyon sa kapulisan, mas niminus ang reklamo batok kanila.

Kini taliwala sa grabeng pagpatay subay niining kampanya batok sa ilegal nga drugas.

Dugang ni Sibay nga karong tuiga lang wala molapas og 30 ka kaso ang napasaka nga kasong administratiba batok sa kapulisan sa rehiyon.

Sagad ini misconduct ug uban infidelity o pangabit.

Dugang ni Sibay nga aduna’y lima ka mga pulis ang nadesisyonan sa Commission en Banc nga i- dismiss sa serbisyo.

“We encourage ang public kon duna gyud sila’y mga complaints nga gusto i- file sa buhatan sa National Police Commission or sa Philippine National Police, ato sila i-kuan nga di magduha-duha,” matod niya.

Newspapers in Tagalog

Newspapers from Philippines

© PressReader. All rights reserved.