Ngan sa konsehal sa Lapu-Lapu gigamit na sab sa mangingilad

SuperBalita Cebu - - BALITA - / FVQ

Negusyante og mobile phone ang laing nabiktima sa pangilad sa nagpaila nga Harry Radaza, konsehal sa dakbayan sa Lapu-Lapu, nga ni-order og lima ka units nga iPhone 5S kagahapon sa buntag.

Apan nabaraw ang pangilad kay wa mo-load og dako ang iyang biktima nga iyang gimandoan sa pagpa-load.

Gikalipay ni Jefferson Yu, 22,taga-New Frontier Village, Barangay Tabunok, Talisay City nga nakadawat siya og tawag sa nagpatuo nga si Konsehal Radaza nga mopalit og lima ka cellphone diha niya.

Si Yu nag-post sa OLX Philippines, usa ka buy and sell site, sa iyang negosyo nga cellphone diin mi-order ang mangingilad pinaagi sa pagtawag nga matod pa ipa-special delivery sa Lapu-Lapu City Hall.

“Legit buyer gyud ni kay konsehal gud,” pulong ni Yu sa dihang nahinabi sa Superbalita.

Saysay pa niya nga nagpahatod siya sa iyang amahan sa Lapu-Lapu kay wa siya masuheto sa dapit.

Sa dihang nagbiyahe sa may barangay Mambaling area, Cebu City nitawag ang caller nga kon adunay maagian nga loading station sa dapit, magpa-load siya og P1,000 worth nga cellphone load.

Nihangyo pa ang biktima nga P300 lang una ang iyang ipaload sa mobile no. 09303925713 kay mao ray iyang cash niadtong tungora.

Newspapers in Tagalog

Newspapers from Philippines

© PressReader. All rights reserved.