Kalag nangabli sa bentana

SuperBalita Cebu - - KURAT -

Nangangkon ang usa ka ghost hunter nga iyang naprobar pinaagi sa footage nga ang iyang cottage gibuksan sa usa ka espiritu ang bentana sa kwarto nga bug-at nga puthaw.

Si Andrew Ward nakombinse nga ang iyang 400 ka tuig nga cottage sa Melbourn, Cambridgeshire, nga may nagpuyo nga espirito busa nagbutang siyag camera aron makuha ang “paranormal” nga kalihokan niini.

Matod sa 62 anyos nga si Ward nagtuo nga ang video mikompirmar sa iyang pagtuo nga ang dapit gipuy-an og espiritu mosobra na sa 30 ka tuig diin mao usab kini ang nabantayan sa ubang mga nakapuyo ug niadtong mga nangamatay usab sa lugar.

Ang footage nagpakita nga ang trangka sa bentana nabitad na ug gituyok diin way tawo nga niduol niini.

“It’s definitely a ghost – it’s really spooky. I knew there was a ghost here and I was determined to prove it,” matod ni Ward nga gikutlo sa taho sa Mirror News.

Midugang siya nga duha ka gabii sa wa pa mahitabo ang insidente way tawo nga ningadto niini.

“It could be a ghost ‘stepping in’ to my house. Every night it seems to be the windows. I always close them but some nights I wake up and they’re wide open,” butyag ni Ward.

Iyang gitumbok nga dihay buntag nga nimata siya nga gitugnaw siya ug naabli na ang bentana bisan pa man nga iyang gisira kini. /

Newspapers in Tagalog

Newspapers from Philippines

© PressReader. All rights reserved.