Certificate ihatag

SuperBalita Cebu - - BALITA -

Plano ni Cebu City Mayor Tomas Osmeña nga tangtangon na ang termino nga business permit ug ilisan nalang kinig certificate.

Si Osmeña, kinsa usa sa dinapit sa Digitize Cebu nga usa ka kalihokan alang sa mga negosyante kagahapon, nibutyag sa mga negosyante nga di na mogukod ang siyudad sa mga negosyo nga way business permit apan kadto nalang wa magbayad sa ilang buhis.

“So people can do business right away. I’m interested only in raising money. Im not interested in being the policeman or the GSIS, fire department and all of that,” matod sa mayor. Nitataw siya nga kon gusto ang negosyante magtukod og negosyo sa dakbayan, ipakita lang nila sa City Treasurer’s Office nga nagbayad ni og buhis ug hatagan kini nila og certificate.

Apan giklaro sa mayor nga kon adunay nakita nga kalapasan sama niining wa ni-comply sa fire hazard, ang fire department na ang manubag niini ug di na mogukod ang siyudad.

“All we want you to do is to pay your taxes. So we’ll just give you a certificate, “taxes paid” so that they can operate their business already,” padayag ni Osmeña. Dugang niya nga alang ngadto sa mga napasira na sa syudad nga mga negosyo, mamahimo kini sila nga mokuha og certificate sa City Treasurer’s Office apan problema na sa ubang ahensiya kon wa kini misubay sa environmental compliance o uban pa.

Newspapers in Tagalog

Newspapers from Philippines

© PressReader. All rights reserved.