Kargador nadakpan sa buy bust; shabu nakuha

SuperBalita Cebu - - BALITA -

Kay di paigo ang kita nga iyang makubra matag adlaw isip kargador sa merkado publiko sa Lapu-Lapu City, napugos og sideline sa pagpamaligya og shabu ang usa ka lalake apan nadakpan human sa buy bust operation.

Nanghupaw si Eddie Flores, 48, taga-Sityo Kamanggahan 1, barangay Pajo , Lapu-Lapu sa dihang gipusasan sa mga sakop sa City Intelligence Branch human nga mibaligya og shabu ngadto sa nagpaka aron ingnon nga buyer.

Pasangil ni Flores nga napugos siya og pagpamaligya sa drugas aron kapun-an ang iyang kita nga maoy iyang kuhaan sa pagpalit og tambal alang sa iyang kapuyo nga nag-antos sa sakit sa kasing-kasing.

“Di magpareha akong kita (mangarga og banyera sa isda), dunay P250, usahay P150 ra (adlaw),” nagkanayon si Flores.

Nakuhaan siya og usa ka dosena sa gagmayng pakete nga adunay sud nga gituohang shabu nga gibana-bana nga nagkantidad og P5,000, kapin sa P500 nga giingong halin sa iyang pagpamaligya ug ang P200 nga gidawat ni Flores nga binayad sa decoy.

Sumala pa niya usa pa lang siya ka semana nga namaligya sa maong drugas.

“Diri ra gud ko mamaligya, ginagmay ra gud,” dason ni Flores.

/ FLOR V. BALLESTEROS

■ NaDaKpaN: Si Eddie Flores 48, taga sityo Kamanggahan 1, Brgy. Pajo, dakbayan sa Lapu-Lapu nadakpan sa kapulisan atol sa buy-bust operation.

Newspapers in Tagalog

Newspapers from Philippines

© PressReader. All rights reserved.