Bag-ong laya namusil

SuperBalita Cebu - - BALITA -

Lalakeng bag-ong nakagawas sa Abuyog Penal Colony sa Leyte tungod sa kasong murder nipusil sa iyang silingan pasado alas 9 sa gabii niadtong Martes sa Ponce Dos, Barangay Carreta, Cebu City.

Gipangita sa kapulisan si Ferdinand Roflo, 32, taga Don Sergio, Barangay Hipodromo, Cebu City.

Si Roflo duha pa ka adlaw sukad nakagawas sa bilanggoan gikan sa 11 ka tuig nga pagkabilanggo.

Duna siyay pending nga kasong robbery.

Ang gipusil ni Roflo ug anaa sa kretikal nga kondisyon human maigo sa ulo mao si Joseph Vergaro, 34, usa ka drug surrenderee sa Mabolo Police.

Sigun sa pasiuna nga imbestigasyon nila ni SPO2 Winston Ybanez sa Homicide Section, naglakaw si Vergaro paingon sa interior portion.

“Ang duha nga mobisita sa iyang mga anak si Vergaro kay nagkabuwag sila sa iyang kaipon, gisundan ug gipusil,”, matod ni Ybañez.

Human sa pagpusil, nisibat si Roflo nakasibat.

Nilusad og hot pursuit operation ang kapulisan ug wa nila madakpi.

Nasayran usab sa kapolisan nga nitahan si Vergaro atol sa tokkhang human malambigit sa drugas.

Naa siya sa talandugon nga kahimtang.

Gisubay sa kapulisan kon wa bay kalambigitan ang pagpusil ug ang kanhi pagkabilanggo ni Roflo.

Newspapers in Tagalog

Newspapers from Philippines

© PressReader. All rights reserved.