Someday

SuperBalita Cebu - - SUPER BIBO - OLIVER P. FLORES (Ikalima sa pito ka mga gula)

Dugay-dugay gyud kong naghunahuna. Wa pa gyud ko makasuway og pakig-textmate. Unsa kahay bation nako, no, kon duna koy textmate? Nindot tingali kay duna na man koy kalingawan? Makadasig tingali ni?

Gireplayan ko ang gustong makig- textmate nako. “Sige.” “So, magteksanay na ta?” Gireplayan sab dayon ko. Ug mao na kadto ang sinugdanan. Duna na koy textmate. Apan nagkasabot mi nga inig kagabii na lang mi magteksanay kay klase man nako kon maadlaw. Aw, kon wa koy klase, hapit tibuok adlaw nga magteksanay mi sa akong

textmate. Kon pangutan-on ko siya sa iyang ngalan, di siya motug-an. Maayo kunong unya ra ko makaila niya kon kinsa siya kon magkakita mi sa personal. Wa pa ko makigkita niya kanang moingon siya nako nga magkita mi.

Morag di pa ko andam nga makigkita niya.

Giduaw ko ang akong igagaw sa ilang balay usa ka hapon ana sa Domingo. Nahisgotan namo ang akong textmate.

“Kining, Gaw, kinsa man siya? Ikaw man ang naghatag niya sa akong number.”

“Maayo nang ikaw mismo ang makaila niya, Gaw. Pakigkita lang niya ron makaila gyud ka niya.”

Nindot kaayog pinahiyoman ang akong ig-agaw. Nakapangawot na lang ko sa akong ulo.

“Ikaw gyud, Gaw, ha? Basig bugoy na siya?”

“Sure ko, Gaw, nga di. Sure sab ko nga ma- in-love gyud ka niya.”

“Imo siyang gisultihan nga tambok kaayo ko kaniadto pero nagpadaot ko aron maguwapa ug moseksi ko?”

“Wa na lang, Gaw. Basta, pakigkita lang gyud niya aron mailhan mo kon kinsa nang imong textmate.”

Wa ko na lang pugsa ang akong ig-agaw sa pagpatug-an sa ngalan sa akong textmate. Apan nabatyagan ko nga malipayon ko nga makigteksanay sa akong textmate.

Ingon niadto ang akong kinabuhi sa pagpanglabay pa sa mga adlaw. Hangtod nga mga love messages na ang iyang ipadala nako. Gipasagdan ko na lang siya. Kilig to the bones man sab ang akong bation. Unya, nangulitawo siya nako.

“Sus, wa pa gani ta magkaila sa personal, nangulitawo ka na nako?” Mao ni ang teks ko niya.

“Maka- in-love ka, Jona. Aw, di tika pugson sa pagpasugot nako ron.”

“Bitaw. Ayaw gyud ko pugsa kay masuko gyud ko nimo.” Replay ko sab.

Unya, nakadesisyon ko nga makigkita na niya. (SUMPAYAN)

Newspapers in Tagalog

Newspapers from Philippines

© PressReader. All rights reserved.