Floyd tiguwang na, di na angay moaway: anak

SuperBalita Cebu - - SUPER SPORTS -

Human gipukan ni Floyd Mayweather Jr. si Conor McGregor alang sa iyang pagposte og rekord nga 500, nakadesisyon ang Amerikanong boksidor nga hingpit na’ng moretiro ug dili na kini mobalik og away.

Mismong ang anak ni Mayweather nga si Koraun ang miingon nga dili na angayang moaway pa ang iyang amahan gumikan kay edaran na kini.

Si Mayweather, 40, maoy bugtong boksidor sa kasaysayan sa boksing nga nakaanbot og 50 ka mga away nga wala'y pilde.

Sa dihang gipangutana kon aduna ba'y poruhan nga mag-away og balik sila si Mayweather ug McGregor sa ugma damlag, si Koraun hugot nga miingon og “wala.” “No chance. No chance. No rematch,” asoy ni Koraun sa iinterbyu sa TMZ Sports. “Officially done. He’s 40, gotta realize that. He’s an old man.”

Nidugang si Koraun nga nagtinguha sab ang iyang amahan nga motutok sa mga negusyo niini hinungdan nga wala na kini oras alang sa boksing.

Sa laing bahin, miangkon si McGregor nga wala siya'y daganan batok ni Mayweather.

Sukwahi kini sa iyang mga pamahayag sa wala pa niya gikaharong ang kanhi poundforking. Gipasabot sa mixed martial arts (MMA) superstar nga nahutdan siya og lahutay sa hinapos nga bahin sa ilang panagharong. / ESL

Newspapers in Tagalog

Newspapers from Philippines

© PressReader. All rights reserved.