3-day Guitar Festival ipahigayon sa Sugbo

SuperBalita Cebu - - LAYSHO -

Ang The Guitar Foundation of the Philippines mopahigayon sa labing unang Cebu International Guitar Music Festival.

Gitawag og “Strings that Bind,” ang festival buksan ugma, Sept. 1, pinaagi sa exhibit, workshop ug mga display booth. Inig ka alas 6 sa gabii, usa ka libreng classical guitar concert ang ipahigayon sa Mountain Wing sa SM Seaside.

Sa Sabado, September 2 laing concert ang ipahigayon sa

centerstage sa SM Seaside ug sa Hoops Dome sa Lapu-Lapu nga parehong sugdan alas 7:30 sa gabii. Ang ikaduhang gabii ra ang dunay pulta nga P300.

Lakip sa mga performer mao ang mga inilang gitarista sa Cebu, Manila ug Davao, sama sa The Guitar Guild, St. Scholastica's College Guitar Ensemble ug duna say mga international

artists sama nilang Dr. Angelito Acaoili ug Maestro Michael Dadap.

Ang The Cebu Guitar Quartet nga gilangkoban nilang Atty. William Mañus, Lemuel Enanoria, Scott Brian Lequido ug Anton Solomon mopakita usab sa ilang abilidad sa gitara.

The Cebu Guitar Quartet

Newspapers in Tagalog

Newspapers from Philippines

© PressReader. All rights reserved.