BELO - KHO WEDDING SA PARIS BONGGA

Human sa 12 ka tuig sa ilang relasyon nagbinayloay og “I do” ang celebrity doctors nga sila si Dra. Vicki Belo ug Hayden Kho niadtong Sabado pinaagi sa church ceremony didto sa Paris, France.

Gibana-bana nga moabot sa 250 ka mga sakop sa pamilya ug higala sa duruha ang mibiyahe paingon sa maong nasud aron sa pagtambong sa maong bongga nga kasal.

Gikataho nga gi-ban ang paggamit og smartphones samtang nagpadayon ang seremonyas suds a American Church sanglit buot sa magtiayon nga magpabiling intimate ug pribado ang kalihokan.

Si Belo sul-ob sa iyang mahalon nga off-shoulder ball gown nga gidesinyo ni Michael Cinco samtang black tuxedo ang kang Hayden.

Present ang anak sa magtiayon nga si Scarlett Snow ug ang TV director Quark Henares ingon man ang igsuon niini nga si Cristalle anak sa unang kaminyuon ni Vicki ngadto ni Atom Henares.

Celebrity couples nga nanambong naglangkob nila ni Marian ug Dingdong Dantes, Lucy ug Richard Gomez, Regine ug Ogie Alcasid ug uban pang celeb ug socialites sama nila ni Piolo Pascual, Derek Ramsay, Alden Richards, Korina Sanchez-Roxas, Dyan Castillejo, Ben Chan, Tessa Prieto-Valdes, Margie Moran ug Jinkee Pacquiao.

Gi- treat nila ni Vicki ug Hayden ang ilang piniling bisita og welcome dinner sakay sa cruise ship nga naglawig sa River Seine, sa wa pa ang adlaw sa maong kasal.