SuperBalita Cebu

ASEAN Meeting sa Bohol

- Junrey Nadela

Simply abolishing the BOC and creating another agency that will just absorb the personnel of the BOC will just mean the corruption will stay because the bad are mixed in with the good.

- Surigao del Norte Rep. Robert Ace Barbers

Simply abolishing BOC does not mean no more shipments of drugs will slide through the corrupted system. The corrupt people inside and their partners outside know the customs system very well.

- AANGAT TAYO party-list Representa­tive Neil Abayon

Karong Septiyembr­e 19 hangtod sa 21, sentro na sab sa atong attention kung seiguridad ang hisgutan ang lalawigan sa Bohol gumikan sa laing hugna sa ASEAN Meeting 2017. Adto ni himoon sa usa sa mga resort sa isla sa Panglao ug tambongan sa mga delegado gikan sa mga nasod nga sakop sa Associatio­n of Southeast Asian Nations kun ASEAN. Ang mga delegado maoy molangkob sa 34th Maritime Working Group.

Mahinumdom­an nga niadtong bulan sa Abril gipahigayo­n ang tigum sa ASEAN sa maong isla. Ug taliwala sa daghang pagpangand­am alang sa seguridad, nikalit lang ug butho ang grupo sa Abu Sayyaf sa lungsod sa Inabanga sa wa pa magsugod ang kalihukan. Nasayran nga ang misyon sa grupo mao ang paghimo og kasamok atol sa tigom apan palpak kay wa mosugot ang mga Boholano.

Ilang gisumbong ang ilang presensiya ug nahitabo ang sinukliay sa bala nga niresulta sa pagbanaw sa dugo. Ang maong insidente nikalas ug mga kinabuhi nga naglakip sa atong kasundaloh­an ug kapulisan. Way nagtuo nga ang Boholano nga nagpahimus sa grabing paglambo kalit lang gihasol sa teroristan­g pundok. Sa record sa PNP ug AFP kadto maoy una sa kasaysayan nga ang Abu Sayyaf nakahimo sa pagpangata­ki dinhi sa Visayas.

Bisan ang Sugbo nahasi sab kay pila ra man gud ka litrong gasolina ang mahurot kung biyahion ang Bohol padung sa atong baybayon. Tungod sa maong siwasyon nanggawas ang mga travel advisory sa ubang kanasuran alang sa ilang mga nationals nga naglaag laag dinhi sa ato ug sa Bohol. Grabing nakaapekto sa dagan sa turismo ang presensiya sa maong grupo. Nagmingaw ang patigayon island hoping, diving ug ubang kalingawan sa dagat.

Sa isla sa Olango sa Lapulapu City nga atbang kaayo sa Bohol, gi-report sa mga lumolupyo ang pagdunggo sa armadong grupo nga napamatud-an ra sab nga di tinuod. Sagdi nalang. Ang importanti nga nakat-on ang mga tawo pagdangop sa awtoridad bisan kung mangangaya­m ra diay ang ilang nasigpatan nga nisum-ok sa ilang bakhawan.

Mao ni ang anga nga buhaton sumala sa mga batid. Mo-report sa way pupanagana kung may mamatikdan nga presensiya sa mga tawo di sinati ang mga nawong. Ug kini nga praktis maoy nakahurot og patay sa Abu Sayyaf didto sa Bohol.

Di modernong kahimanan pagsubay kung asa na ang Abu Sayyaf kun di ang pagsumbong sa tukma nga nahimutang­an sa mga kontra. Di ba habalhabal driver ra man ang nakaingon nganong napuo ang grupo sa dihang nitapon sila sa bukid sa lungsod sa Clarin gikan sa Inabanga? Mao ni giingon nga ang human intelligen­ce mas sigurado itandi sa mga kahimanan nga gi-inbento.

Atong mga panghinaot di na kini masubli samtang nagkaduol na ang ASEAN Meeting diha sa Bohol sa mosunod nga mga adlaw.

NITALIWAN

Ang giila sa gobyerno nga great innovator nitaliwan na sa pangedaron nga 77 anyos. Si agaw Emmanuel Nadela Sr. nanatay niadtong Miyekules ug ang iyang haya naa sa panimay sa iyang mga anak sa Cogon Pardo, Cebu City. Giila siyang great innovator sa dihang nakamugna siya og paagiunsao­n pagpakalma sa mga dangan nga niataki sa mga humayan didto sa ilang lungsod sa RTR sa Agusan del Norte. Ang lubong himuon karong Sabado Septiyembr­e 9 sa Pardo Catholic Cemetery.

 ??  ??

Newspapers in Cebuano

Newspapers from Philippines