10 TIPS SA PAGDAGINOT SA CELLPHONE BATTERY
Apple, Blackberry, Samsung ug ubang mga brand sa smartphone nga aduna’y gamhanan nga mga mobile operating system susama sa Android sa Google, Symbian sa Nokia o iOS alang sa Apple diin mao kini ang naghatag sa mga mogamit niini sa kahigayonan nga makapaminaw og music, makakuha og hulagway o bisan maka- surf sa internet.
Tungod sa pwedeng mamahimo niini nga mga gadget, no wonder nga usa ning battery sa devices nga usa sa concern dili lang sa developers apan lakip sa mamalitay niini.
Kasagaran sa smartphone batteries molungtad og usa ngadto sa duha ka adlaw sa dili pa ma- lowbat.
Ania’y 10 ka tips nga mamahimo nimong himuon aron makadaginot kag battery sa imong smartphone.
1. Pawnga ang vibrations
Nindot ang vibrations alang sa notifications sa tawag o text hilabi na og anaa ka sulod sa sinehan, meeting o ubang lugar nga kinahanglan kini i- silent. Apan kon wala kini kinahanglana, mas maayo nga ringtone imong gamiton tungod kay mas kas sa battery ang vibrations.
2. Ngit-ngiti imong screen
Usa ni sa labing makaapekto sa imong battery percentage. Obvious nga kon imong paubsan ang kahayag sa imong cellphone mas moubos usab ang power consumption niini. Suwayi ang auto-brightness option aron dili naka mag-usab-usab.
3. Pamub-i imong screen timeout
Kon ganahan ka nga mas taas pa imong battery life, pamub-i ang screen timeout niini o i- lock kini. Aduna’y auto screen off nga 15 segundos. Suwayi kini.
4. Pawnga kon di gamiton
Mas maayo nga pawngon ang cellphone kon dili diay kini gamiton. Buhata kini kon matulog ka o mag- meeting.
5. I- charge imong battery og tarong
Aduna’y duha ka klase sa rechargable batteries: Lithium-ion (Li-Ion) ug Nickel-based o mas naila nga Nickel-Metal Hyride (NiMH) ug Nickel-Cadmium (NiCd). Mas taas ang kinabuhi sa NiCd itandi sa NiMH. Mas maayo i- full chargebased ang Nickelnga battery kon wala na gyud kini’y battery.
Samtang ang Li-Ion, mas kadaghan usab kini nimo i- charge apan mahimo bisan og wala pa nahurot ang battery niini.
6. Isira ang wala gigamit nga Apps
Sagad kanato mo- open sa mga app ug dili sirad-an bisan og wala na kini gamita. Ang multi-tasking capability kumon sa mga smartphone apan mao usab kini ang usa sa rason nga daling mahurot ang baterya.
Kon posible, sirad-i kini kon wala nimo gamita.
7. i- Disable ang GPS
Usa ning Global Positioning System nga makapaubos sa baterya, i- off kini kon dili kinahanglanon. Usa sa gamit niini kining Maps nga app ug Facebook check-in.
8. i- Off usab ang Data, Bluetooth kon wa gamita
Ang data o ang internet sa smartphone mao ang labing makapaubos sa baterya. Mas maayo usab mogamit og ‘Airplane Mode’ kon wala ka’y importante nga gihuwat nga text o tawag.
9. Minusi ang notification
Tungod sa permi nga paggamit sa internet, daghang notifications ang madawat sa mga app apan sure ko nga dili tanan, kinahanglanon.
I- manage imong settings ug i- disable ang notifications sa app nga dili kinahanglanon.
10. Minitar nga bugnaw imong gadget
Makabantay siguro ka nga mas dali mahurot ang baterya kon init kini. Ayaw ibilin imong cellphone nga nagbuwad sa init o sa init nga lugar.
Mas mogana ang baterya niini sa bugnaw nga dapit.