SuperBalita Cebu

Mick Pennisi moretiro na sa PBA

- / ESL

Nakadesisy­on na si Mick Pennisi nga moretiro sa Philippine Basketball Associatio­n (PBA) aron motutok sa iyang poultry nga negusyo sa Thailand. Si Eric Arejola, GlobalPort Batang Pier alternate governor, mibutyag nga gisuwayan nila pagkumbens­ir ang big man three-point shooter nga motiwas na lang sa PBA Governor’s Cup ug mamasin nga makaabot 5,000-point milestone. Kuwang na lang og 33 puntos si Pennisi aron makaabot niini. Apan daw hugot na ang desisyon ni Pennisi. Gibutyag ni Pennisi ang iyang tinguha human sa kadaugan sa Batang Pier batok sa Talk N’ Text KaTropa niadtong Biyernes. Si Pennisi nagsugod og duwa sa PBA niadtong 2000 ug dihadiha dayon nakapakita siya og abilidad sa threepoint shooting taliwala sa iyang gitas-on nga dul-an sa 7’0”. Si Pennisi nakadaog og tulo ka mga titulo ubos sa kampo sa nabungkag nga Red Bull Barako, duha sa San Miguel Beermen. Nagduwa sab siya Barako Bull, Star Hotshots, Phoenix Fuel Masters sa wala pa siya nahitapon sa GlobalPort.

Newspapers in Cebuano

Newspapers from Philippines