Pumpboat natikyaob
CAPUL, NORTHERN SAMAR - Pumboat nga gikan sa Masbate padung Biliran natikyaob. Ang pumpboat nga MV Antonia Aiyana dunay tulo ka mga tripulante nga sila Ricardo Rosasena, Cesar Tupaz ug Dino Antiga kinsa pulos naluwas sa kapulisan sa Capul pinangulohan ni P/Insp. Ricardo Banjawan. Gisugilon sa mga tripulante nga alas 3:00 sa kadlawon niadtong Lunes natikyaob gumikan sa dagkong bawod. Gipadpad sila padung sa kadagatan sa Capul ug naluwas pagka alas 7:00 sa buntag sa adlaw nga Miyerkules. Gidala sa tambalanan ang tulo aron matagad ang ilang panginahanglang medikal.