Nagsuyop sa cashier's booth

(Napatik sa Septiyembre 3, 2017)

PANTUKAN, ComVal Province - Gibalhog sa selda sa kapulisan ang manager sa usa ka patigayon human nadakpan samtang nagsuyop og drugas didto sa National Highway, Kingking. Ang dinakpan giila nga si Ariel Jacobe, 28, minyo, manager sa Crysta Mae Video-K House. Segun sa taho sa kapulisan, nakadawat og tawag gikan sa nagpakabanang lungsuranon ang Pantukan Municipal Police Station kalabot sa natigayon nga pot session sud sa Crysta Mae Video-K House. Nadakpan ang suspek human aktuwal nga nagsuyop og drugas sud sa cashier’s booth. Narekober gikan sa posisyon sa suspek ang usa ka sachet sa shabu, aluminum foils ug duha ka lighter.