Mo-migrate

Dear Noy Kulas,

Maayong adlaw ninyo. Just call me Jazzy, usa ka call center agent. Taudtaud na kong ga work ani nga industry after ni graduate ko sa college bisan toa ang akong parents sa abroad nag support namo.

Wa pa mi magminyo sa akong boyfriend bisan kon 5 years na ang among relationship kay maglisod na unya ko og migrate ingon sa akong parents. Karon gusto na nilang molarga ko kay approved na ang akong papers pero di na gusto ang akong boyfriend kay nahadlok siyang di na ko mobalik bisan giunsa nakog alam alam. Gusto niya magbuwag na lang mi kon modayon ko og larga aron di na siya kuno maglaum.

Close na kaayo mi ug usahay adto na gani ko sa ilaha matug kay imbitaron ko sa iyang parents. Anugon kaayo ang lima namo ka tuig kon magbuwag mi. Unsa may akong buhaton, Noy Kulas? Magbuwag na ba lang mi aron makalarga ko or di na lang ko modayon?

Daghang salamat sa tambag.

JAZZY

Jazzy,

Kon suod ka na sa iyang pamilya, pagpatabang nila sa pagpasabot sa imong boyfriend kay kon ikaw ra, lisod na kombinsihon. At least sa iyang pamilya mismo gikan, dunay laing assurance kay ikaw mismo, di lang ngadto mosaad niya, sa iyaha pud nga pamilya. Duna ni impact sa pagkombinser kaniya nga mobalik ka aron motuman sa iyang imong saad ngadto kaniya.

Grab the opportunity kay ka usa ra na manuktok unya duna ra ba ni sagad duration sa imong pag-adto. Di ra ni mapahuwat nimo og hangtod sa hangtod. Larga dayon bisan di siya gusto kay pila ra may pagbalik unya nimo kon toa ka na didto ug mahingpit na ang imong pagka citizen sa mao nga nasod. Mahimo gani nga imo siyang paapason sa abroad kon toa ka na didto basta ang imong pamilya mahimong sponsor kon gikinahanglan. Basta ayaw palabya ang opportunity kay makausa ra na. Kanang iyang kabalaka mawagtang ra na kon magpadayon ang inyong communication, labina kon frequent kang mo-contact kaniya. Kana assurance niya nga sayop siya sa iyang pagtuo.

NOY KULAS