SuperBalita Cebu

Habalhabal drayber gidunggab sa pasahero

-

Nidangat sa tambalanan ang usa ka habalhabal drayber human gidunggab sa iyang pasahero.

Ang pagpanungg­ab nahitabo sa sitio Pungsod, Barangay Lawaan 3, dakbayan sa Talisay niadtong Biyernes sa tungang gabii.

Sigun sa kapulisan, ang biktima nailhan nga si Emmanuel Pulvera, 24, ulitawo, nagpuyo sa maong dapit.

Matod ni PO2 James Cabrillos sa Talisay City Police Station nga si Pulvera diha sa ilawom sa flyover sa Tabunok sa dihang nasakyan og duha ka pasahero.

Apan sa dihang mikanaug kalit lang kining nidunggab kaniya tumong sa bukobuko gamit ang icepick.

Ang biktima daling midagan bisan og nasamdan samtang ang gikatahapa­n daling nisibat. Gidala sa Talisay City District Hospital ang biktima gumikan sa iyang samad dinunggaba­n. Sa pagkakaron, ang kapulisan padayon pang nisusi sa pagkatawo ni Pulvera kon wala ba kini gikaaway.

Newspapers in Cebuano

Newspapers from Philippines