9T megawatts alang sa 2040
Manginahanglan og dugang 9,180 megawatts nga supply sa kuryente ang Kabisay-an sa mosunod nga 23 ka tuig, sumala sa Department of Energy.
Kini base sa Power Development Plan sa DOE hangtod sa 2040 diin ang Pilipinas manginahanglan og kinatibuk-an nga 43,765 MW.
Atol sa Power 101 Summit nga gipasiugdahan sa Global Business Power Corp. alang sa mga sakop sa media sa Sugbo kagahapon sa City Sports Club Cebu, si Engr. Keelvin Ed Dajao, Science Research Specialist II sa DOE Visayas, nipresentar sa 13 ka committed
power projects ang tukoronon sa Kabisay-an nga kadaghanan sa Negros Oriental.
Matod niya aduna kini kinatibuk-an nga 408.4 MW diin 65 porsyento kay Renewable Energy samtang 35 porsiyento lang ang non-renewable energy. Ang Renewable Energy kay gikan sa natural resources sama sa paggamit sa kainit sa adlaw, hangin, geothermal ug uban pa. Samtang ang non-renewable energy gikan sa fossil fuels sama sa coal, petroleum ug natural gas. /