Nagduwa sa iyang junior

(Napatik sa Oktubre 3, 2017)

Balhog sa prisohan ang usa ka 38-anyos nga driver human nag-masturbate sa escalator sa usa ka dakong Mall sa Davao City. Gipriso sa Sta. Ana Police Station ang usa ka Julius (bansagon gitago sa SuperBalita), 38-anyos ug residente sa Barangay 76-A Bucana, ning siyudad.Sa pakighinabi sa SuperBalita sa suspek, iyang giangkon nga iyang gituyo ang paghaso-haso sa iyang kinatawo kay naibog siya sa seksi ug puti nga babaye nga iyang gisundan sa 4th floor sa Mall. “Gituyo gyud to nako kay tawo ra ta, maibog ug alang nako mahuwasan ko sa kaibog kun makapabuto ko sa akong gibati,” saysay sa suspek nga eksklusibong nahinabi sa Super Balita. Si Julius nagsulti nga naghigwaos siya niadtong higayona. Nasayran nga nabuthan na sa gibati ang suspek dihang nagsakay pa kini sa escalator padung sa ika-upat nga andana sa Mall samtang iyang gisundan og tan-aw ang babaye.”Morag kakita gyud kog prinsesa, seksi gyud kaayo, bahala nag napriso ko, basta nakapahuwas ko, di man pod siya mokaso, makagawas ra sab ko diri,” dugang sa suspek.Nagtuo ang mga guwardiya nga midala sa suspek sa presinto nga makadaghan na kining higayon nga gihimo sa suspek apan karon lamang siya nasakpan.