Paghot sa bulan
Nahisamag irong-boang si Sen. Antonio Trillanes nga nagsigig paghot sa bulan kanus-a matagak. Panahon pa sa kampanya ang pasangil sa kwarta sa bangko ni Pres. Rodrigo Duterte nga 2.4B, ikaduhang asawa Honeylet Avanceña nga 167M, tulo ka anak sa unang asawa Elizabeth Zimmerman nga sila si Mayor Sara nga 121M, Vice Mayor Paolo nga 104M ug Sebastian nga 143M.
Pasangil nga si Paolo miembro sa Chinese Triad nga nagpalusot sa Bureau of Customs (BOC). Deposito sa umagad Atty. Manases Carpio gikan sa palusot sa BOC ug pangilkil sa Uber. Duterte mipalit og insurance policy 80M sa upat ka mga anak lakip na si Veronica. Sa 2006-2015 dunay 13 ka deposito nga 50M. Dunay 21 ka deposits ug
credits matag unom ka bulan ng 40-50M. Kinatibuk-ang deposito nga 193M sa Okt. 7, 2013. Maoy gisugo pagdeposito sa bangko si Sammy Uy nga dunay kompaniya sa Davao. Giagi sa bank accounts ni Duterte ang kinitaan sa kinubkobay og bulawan sa Mount Diwalwal aron dili makwestyon ang kinalot nga bahandi.
Namalit og kasayoran gikan sa nagpailang federal agent Daniel Snooky Cruz diin peke ang inpormasyon sa gibutyag nga bank accounts sa senador. Misalga sila Chief Justice Maria Lourdes Sereno, Overall Deputy Ombudsman Arthur Caradang ug Ombudsman Conchita Carpio Morales pa- glutos ni Duterte.
Apan si Duterte mo- file og impeachment batok nila ni Sereno kabahin sa undeclared professionat fees gikan sa gobyerno sa Piatco case nga usa sa gipunting ni Atty. Lorenzo Gadon nga sufficient in form and substance ug Morales kabahin sa conspiracy pagpalagpot kaniya ug selective justice nga giuna pagukay ang iyang bahandi nga dili tinuod nga daghang mga kaso nga nahauna apan wala matandog.
Mitumbok nga kurakot sila Sereno ug Morales uban sa hagit nga mokanaog sa katungdanan. Peke ang papeles nga gigamit sa Ombudsman pag-inbestigar kaniya gikan sa kabit ni Trillanes sa Anti-Money Laundering Council (AMLC). Justice Sec. Vitaliano Aguirre mihingalan og bakakon ni Carandang sa pagpabuhagay sa biniliyong salapi ni Duterte human gihimakak sa AMLC sanglit protektado sa Bank Secrecy Law (RA 1405).
Sila si Atty. Manuelito Luna ug Eligio Mallari misang-at og kaso ngadto sa Office of the President batok nila ni Carandang, Deputy Ombudsman Rodolfo Elman ug fact finding
team nga angayng tangtangon sa katungdanan nga nagtinguha sa pagpalukapa sa administrasyon. Kanhi mga magbabalaod Gleen Chiong ug Jacinto Paras sa VACC misang-at og ikaduhang kaso batok Carandang nga mihabig ni Trillanes sa sayop ug malisyosong pasangil. csa_1156@yahoo. com/0916-734-5737)