`IGSUON’ NI NADINE NAHIGUGMA SA LALAKI?
Sa unang higayon, gibutyag ni Nadine Lustre ang nadiskubre niyang blog site sa nagpakamatay niyang igsuong si Isaiah, ang medium.com/@ isaiahlustre.
Matod ni Nadine, mag-17 anyos na unta gahapon ang iyang manghud. Base sa mga
blog post ni Isaiah, giingong nakasinati og depression ang binatilyo mga June 2016 hangtod July 2017.
Kini human nagkabuwag sila niadtong Pebrero, 2017 sa gituohang pareho ra gihapon niyang lalaki nga iyang nakarelasyon sud lang sa duha ka buwan, apan upat kuno katuig niyang gihigugma sa tago.
Wala mosulti si Isaiah sa iyang
gender identity apan base sa taho sa Pep.ph ang mga gigamit kuno ni Isaiah sa paglarawan sa iyang kanhi karelasyon mao ang “him”, “he” ug “his.” Nadiskubre usab sa 23-anyos nga aktres base sa blog post ni Isaiah nga nisuway na diay og hikog ang iyang manghud
niadto. “Ive tried to kill myself, once, with a shard of glass in hand I tried to cut deep on my arms but to no avail, now that I look back to it now, what difference would it make? Absolutely nothing.”
“When you die in this world people may hold a funeral for you, maybe a few people will cry, and leave some sad for days, weeks,
months, years, then what?”
Apan wala na makaya sa iyang igsuon ang kasakit hinungdan nga niadtong Sabado nagpusil gyud ni sa iyang kaugalingon.
Samtang, nihangyo si Nadine nga dili lang unta mag- post ug repost sa mga litrato ug video nga nakuha gikan sa haya sa iyang manghud. “Let’s give respect. This is for EVERYONE. Thank you,” matod niya sa iyang Instagram page.
Duna sad siyay mensahe sa iyang bashers nga nisaway niya nga mas giuna pa kuno niya ang iyang lovelife kaysa iyang manghud.
“To everyone who’s been judging me for the past few days, remember this. You will always see me UP but never DOWN. So wag niyong hanapin. Get lost please.”