230T miapil sa Grand Marian procession

Niabot sa kapin 200,000 ka mga deboto ang niapil sa Grand Marian Procession niadtong Biyernes sa gabii sa dakbayan sa Sugbo.

Kapin usab sa 500 ka mga pulis ug Barangay Intelligence Network (BIN) ang nibantay sa maong mahinungdanon nga prosesyon.

Bisan kon nibunok ang uwan, apan wala kini nakapugong sa 230,000 ka mga deboto sa pagtambong sa prosesyon isip kasumaran sa ika-100 ka tuig sa aparisyon sa Birhen sa Fatima ngadto sa tulo ka mga bata.

Matod ni Cebu City Police Office (CCPO) director Joel Doria nga gikan sa 200 gisaka nila sa 500 ang mga nibantay sa kalihokan.

“The event was generally peaceful because our security placement was effective. There were no untoward incidents that happened.” Gawas sa unipormado nga mga pulis, nipakatap usab ang CCPO og undercover nga pulis aron mo- monitor sa kalihokan. Atol sa kasaulogan sa santos nga misa sa Basilica Minore del Sto. Niño diin si Cebu Archbishop Jose Palma ang nisaulog, siya nipahinumdom nga ang pagpakita sa Birheng Maria timaan nga anaa ang Ginuo.

“It is a reminder of God’s

great love for us,” matod ni Fe Barino, presidente sa Archdiocesan Council of the Laity ug usa sa organizers, nga nakurat sa kadaghan sa mga nanambong sa kalihokan.

Kahinumdoman nga 30,000 lang ang ilang gidahom nga motambong. /