Nasikop sa PDEA
Human sa mando ni Presidente Rodrigo Duterte nga ang Philippine Drug Enforcement Agency (PDEA) na ang mohimo sa mga anti-drug operation sa nasod, usa ka drug pusher ang nadakpan sa operatiba sa PDEA 7 ubos sa bag-ong regional director nga si Emerson Margate.
Ang suspek giilang si Manilyn Alvez, 33, taga 84 P. Spolarium st., Brgy. Duljo, dakbayan sa Sugbo. Alas 4:30 sa kaadlawon kagahapon dihang usa ka buy-bust operation ang gihimo sa maong dapit.
Upat ka pakete sa shabu nga aduna’y gibug-aton nga 60 gramos ug nagkantidad og P300,000 ang nasakmit.
Matod ni Leia Albiar, tigpamaba sa PDEA 7, makabaligya si Alvez og 200-500 gramos nga shabu matag semana.