Nangilad nga siya dentista

(Napatik sa Oktubre 28, 2017)

Nalit-ag ang usa ka peke nga dentista atol sa gilusad nga entrapment operation sa Davao City Anti-Scam Unit ug National Bureau of Investigation (NBI) Davao didto sa Quirino Avenue, Davao City. Ang dinakpan giila nga si Alma Soluaga, residente sa St. Jude, Barangay 6-A Poblacion ning siyudad. Sumala ni Anti-Scam Unit head Simplicio Sagarino Jr. nga gireklamo ang dinakpan sa Davao Dental Association tungod sa pag- operate niini nga way lisensya. Nasayran nga nagahanyag ang dinakpan og serbisyo sa pagpangibot og ngipon, pasta ug uban pa. Nasakmit sa awtoridad ang mga dental chair, mga tambal, mga kinahon nga anesthesia ug uban pang mga himan sud sa iyang klinika.