Alagad sa simbahan

Si Padre Frumencio Mahusay nagsugod pagpangalagad sa Our Lady of Holy Rosary Parish niadtong Nobiyembre 23, 2013. Una siyang nadestino sa San Isidro Labrador Parish sa Barangay Calidngan, dakbayan sa Carcar sa wala pa mabalhin sa uwahing parokya. Tinguha niya mapalig-on ang kapunungan sa simbahan sama sa Lay Ministers, mga katekista, Legion of Mary, Dawn Rosarians, Lectors ug Psalmists, mga batan-on ug Parish Pastoral Council. Sud na sa 21 ka tuig ang iyang pagpangalagad sa gipanumpaan nga bokasyon sukad siya giordinahan pagkapari niadtong Marso 26, 1996.