SuperBalita Cebu

KALAMBOAN SA PAROKYA ANG GIPANGANDO­Y

-

Sa pagsaulog sa ika 53 nga kasumaran sa iyang adlaw nga natawhan niadtong Oktubre 27, 2017, si Padre Frumencio ‘Omen’ Mahusay wa maglantaw alang lang sa iyang kaugalingo­n kondili apil usab sa iyang pamilya ug mga parokyano.

Ang kabulahana­n sa parokya ang usa sa iyang mga birthday wish.

Ang okasyon gitambunga­n sa mga miyembro sa banayng Mahusay, mga parokyano, higala ug kaubang pari ni Padre Omen.

Sa iyang birthday, siya nanghinaot nga mapadayon ang mga proyekto ug programa nga iyang nasugdan og patuman sa parokya nga iyang gialagaran, ang Our Lady of Holy Rosary.

Ang parokya naa nahimutang sa utlanan sa Barangay Inayagan, siyudad sa Naga ug Barangay Tungkop, lungsod sa Minglanill­a.

Labing dako niya nga proyekto ang pagpalapad sa atubangan nga bahin sa simbahan nga nasugdan og himo niadtong Agusto 15 ug gipaabot mahuman sud sa 200 ka adlaw.

Ang proyekto nagkantida­d og P3 milyones.

Sa higayon mahuman na ang atubangan nga bahin sa simbahan ug mapabarog ang multipurpo­se, siya nagplano nga magpabutan­g og ikaduhang andana niini nga haom alang sa receptions sa lainlaing mga kalihokan sama sa kasal ug bunyag.

Lain niya nga proyekto nga nahuman na, ang pagpadako sa kumbento nga nasugdan niadtong Agusto 22.

Ang gipalapdan nga kumbento nagamit na atol sa kapistahan sa parokya niadtong Oktubre 22.

Gusto usab niya mapadayon ang mga kalihokan sa Basic Ecclesial Communitie­s (BEC) gikan sa pamilya ngadto sa kapilya hangtod sa selda ug madala sa simbahan.

Isip alagad sa simbahan, iyang gipatigbab­aw ang pagka transparen­t ug participat­ive sa pagdumala sa parokya.

“When you listen to the people, you learn a lot from them. Dili ka mag-una, dili ka magpauwahi. Nindot nga mokuyog ka para naay balanse kanunay,” dugang ni Padre Omen nga naordinaha­n sa pagkapari niadtong Marso 26, 1996.

 ??  ?? ■ AMAHAN SAPAROKYA. Si Padre Frumencio Mahusay (tunga) misaulog sa iyang birthday kauban sa iyang mga igsuon, pag-umangkon ug parokyano pinaagi sa salosalo. Usa sa iyang wish nga mahuman ang mga proyekto nga iyang nasugdan og pahimo sa parokya. SHEILA...
■ AMAHAN SAPAROKYA. Si Padre Frumencio Mahusay (tunga) misaulog sa iyang birthday kauban sa iyang mga igsuon, pag-umangkon ug parokyano pinaagi sa salosalo. Usa sa iyang wish nga mahuman ang mga proyekto nga iyang nasugdan og pahimo sa parokya. SHEILA...
 ??  ??
 ??  ??

Newspapers in Cebuano

Newspapers from Philippines