Sinulog galleon gigamit sa fluvial sa imahen sa Birhen sa Regla

SuperBalita Cebu - - BALITA -

Sa labing unang higayon ang galleon nga maoy sagad gamiton sa fluvial procession sa imahen ni Sr. Sto. Niño sa Sinulog maoy gigamit sa pagkarga sa imahen sa Birhen sa Regla sa dakbayan sa Lapu-Lapu niadtong Domingo, inay ang naandan nga yate.

Gibanabana nga moabot sa 3,000 ka mga deboto ang midagsa sa simbahan nga misugat sa pag-abot sa Mahal nga Birhen sa Muelle Osmeña sa Poblacion.

Gibutyag ni Sunshine Alegra, coordinator sa LapuLapu City Tourism Office nga una kining higayon sud sa 17 ka tuig sa pagpahigayon sa fluvial procession diin ang galleon maoy gigamit sa pagkarga sa imahen ni Virgin Mary.

Ang naandan nga yate nga gipanag-iya sa banayng Ouano sa Mandaue City gikataho nga naguba ug way available crew atol sa kalihokan.

Nagmalampuson ang fluvial procession nga nanuka sa Suba-Basbas wharf subay sa Hilutungan Channel lahos sa Punta Engaño – Mactan Channel ug midunggo sa Muelle Osmeña.

Ang Philippine Coast Guard maoy nagsilbi nga sea marshals sa fluvial diin nagsunod ang 17 ka mga jetski, 45 ka mga pumpboat, pito ka mga parasail ug 11 ka mga speedboat.

/ ALLAN CUIZON

■ GalleON: Galleon nga kanunay sakyan sa imahen sa Sto. Nino, gigamit sa fluvial procession sa Birhen sa Regla sa Lapu-Lapu City sa unang higayon.

Newspapers in Tagalog

Newspapers from Philippines

© PressReader. All rights reserved.