Bongga ang pista karon sa Carcar

SuperBalita Cebu - - LAYSHO - TAGMING / AC Martin

Daghang mga celebrity sa Manila ang gipaabot nga modagsa sa Baptizo Music Festival sa Carcar nga mohatag og dugang kalingawan sa Kabkaban Festival sunod semana.

Si Carcar City Information Officer Candice Sandiego Acuña nipasabot, atol sa ilang presscon didto sa Quest Hotel, nga ang Baptizo gikan sa Greek word nga “baptism.”

“Kay mao ni unang higayon nga mopahigayon og ingon ani kadako nga kalingawan ang Carcar,” matod ni Acuña.

Ila sad giimbitar si Vice Ganda apan nibalibad lang kuno ang komedyanteng TV host kay conflict sa iyang taping sa Pilipinas Got Talent.

Ang ilang gipuli ang sidekick ni Vice Ganda nga si Wacky Kiray nga alegre sad gihapon, plus Daryl Ong ug Jay-R nga mao kunoy molingaw sa mga Carcaranon karong Nov. 23, Huwebes.

Dayon sundan ni sa Biyernes, Nov. 24, sa concert sa True Faith, South Border ug ni Joey G sa Side A.

Naa sad ang Missing Filemon sa Carcar ugma, Miyerkules, kauban ang Bisaya rapper nga si Vic Desucatan.

Gianunsyo ni barangay konsehal Anthony John Apura nga libre ni tanan sa publiko ug walay pulta. Ang maong mga kalingawan ipahigayon sa New City Hall Grounds sa Carcar, 9 p.m. Kitakits!

DAYGON CONTEST

Ug kay 40 days to go na lang before Christmas, giimbitar ang tanang choir nga moapil sa “The Sounds of Christmas Caroling Contest”.

Ang weekly elimination himuon sa Gaisano Main Foodsquare, alas-12:30 sa udto matagSabado sugod karong Nov. 25.

Ang weekly winner/s automatic madala sa Grand Finals karong Disyembre 22.

Ang matag semana nga mananaug makadawat og P3,000 gift certificates ug ang mapilde dunay P1,000. Sa grand finals, P50,000 alang sa unang ganti, P30,000 sa ikaduha, P20,000 sa ikatulo ug tag-P5,000 alang sa consolation prizes.

Ang pagpang-rehistro nagpadayon karon sa Gaisano Main ug Country Mall o tawag sa 254-6391 alang sa dugang detalye.

TSAMBA RA

Sama sa “The Barker” ni Empoy Marquez, giingong flop sad ang pelikulang “12” ni Alessandra de Rossi.

Ang “The Barker” ug “12” maoy respective movies nilang Empoy ug Alessandra human sa blockbuster hit nga “Kita Kita” nga naka-P320 million sa box office.

Sa mga comment pa, maorag tsamba ra kuno to ang nahitabo sa “Kita Kita.”

Wacky Kiray

Newspapers in Tagalog

Newspapers from Philippines

© PressReader. All rights reserved.