Mga sakop sa Maute Group posibling ania usab sa Sugbo

SuperBalita Cebu - - MINUGBO -

Mga sakop sa Maute nga nakig giyera sa mga sundalo sa gobiyerno didto sa syudad sa Marawi posibling moabot sa Sugbo.

Niini, matod pa sa militar, hugot nga gi-monitor karon sa kasundalohan ang palibot ug subsub usab angilang pagbantay aron dili kini makahimog teroristang kalihukan.

Wala gisalikway sa pangulo sa armadong kusog sa nasud, General Rey Leonardo Guerrero, nga moabot sa Sugbo ang mga miyembro sa Maute

group, nga nakagawas sa war zone sa dakbayan sa Marawi, human pipila niini ilang nangadakpan didto sa ubang bahin sa Luzon.

Apan gipasalig ni Guerrero nga magpabilin ang kalinaw sa tibuok Sugbo. “Hindi ko masasabi na wala ano, may posibilidad yan kase nakita nga natin na yung kaigtingan ng labanan sa Marawi may mga elemento na nagpilit na tumakas at umalis sa area in fact na intercept natin ang iba dito sa Visayas,” matod ni Guerero.

Gipahugtan pa nila karon ang pagbantay nunot sa kalihukan sa Asean summit didto sa kaulohan.

Sa sunod nga mga semana ang Central Command mopadala usab og liboan ka mga sundalo sa lalawigan sa Bohol alang sa laing kalihukan sa Asean summit. Kapin sa 10,000 ka mga

sakop sa militar ang gipakatap aron paghatag og kasiguroan sa maong kalihukan.

Samtang magpabilin pa sa syudad sa Marawi ang duha ka batallion.

/ ALAN TANGCAWAN

■ GIMONITOR. Mga kadagkuan sa militar ang hugot karon nga nagbantay ug nag-monitor sa posibling pagsulod sa pipila ka mga sakop sa Maute Group dinhi sa Sugbo.

Newspapers in Tagalog

Newspapers from Philippines

© PressReader. All rights reserved.