Unggoy nakuyapan human miinom og isog nga kape

SuperBalita Cebu - - KURAT -

Nakuyapan ang unggoy dihang gikawat niini ang kape unya iyang giinom nga pwerting isoga.

Ang unggoy nakuypan kay na- overdose siya sa caffeine human iyang giinom ang usa ka baso nga kape nga iyang gikawat gikan sa usa ka turista.

Ang giuhaw nga unggoy niambak paingon ngadto sa nagmotorsiklo nga turista nga diha sa Bang Khun Thien district, Bangkok, Thailand ug kalit gikawat ang kape.

Nanaog siya sa motorsiklo ug kalit nga nakuyapan hinungdan nga mihatag siyag kakuyaw sa dapit.

Niabot ang mga beterinaryo sa dapit ug ilang gitabang ang mananap diin gibutangan siyag carbon ug saline solution hangtod nabalikan kini sa panimuot.

Ang “Khon Rak Ling Hua Jai Kraeng” online community page nitaho sa insidente diin gikutlo sa Mirror News nga nagkanayon nga ang unggoy, diin mga unom ka buwan na kini, nisuway sa pagsunod sa mga tawo nga magsige usab og inom og kape.

Sa higayon nga mahibalik na sa normal nga sitwasyon sa unggoy ug wa nay sakit kini ibalik na ang mananap kon diin siya nagpuyo.

Usa ka warden giawhag sa pagbantay niini ug gipanghimangnuan ang publiko nga di magpabilin og pagkaon ug mainom sa dapit nga anaa nag-estambay ang mga unggoy.

Ang lokal nga tigbantay sa mga unggoy naghangyo nga prutas ug utanon lang ang ihatag niini. /

Newspapers in Tagalog

Newspapers from Philippines

© PressReader. All rights reserved.