SuperBalita Cebu

Espina puli ni Cuenco?

- Elias L. Espinoza

Alkanse? Naalkanse ang panudlanan sa dakbayan sa Sugbo og P1.6 bilyunes tungod sa ilang daan na kaayo nga ordinansa sa pagbuhis, matud pa sa Commission on Audit (COA). Nakita sa COA ang maong kakuwangan dihang ilang gi-review ang financial transactio­n sa tuig 2017 sa dakbayan sa Sugbo.

Ang Revised Omnibus Tax Ordinance sa dakbayan sa Sugbo niadto pa ni sa tuig 1994 ug wa pa mausab hangtud karon. Pung pa sa COA nga giusab na unta sa dakbayan sa Sugbo ang maong tax ordinance niadtong tuig 1999, 2004, 2009 ug 2014 segun sa Section 191 sa RA 7160 nga nagtugot sa mga lokal nga kagamhanan sa pagpausbaw sa ilang buhis.

Dunay rason ang kagamhanan sa dakbayan sa Sugbo nga wa gipausbawa­n ang business tax ug sa uban nga butang tungod kay igsaka sa buhis motaas usab dayon ang presyo sa mga palaliton ug sa abangan. Ang gitan-aw sa COA ang kitaon sa Dakbayan, wala sila maglantaw sa kahimtang sa mobayad sa buhis.

Tungod sa nakita sa COA, ang Cebu City Treasurer’s office dunay gisumitir sa konseho nga mopausbaw sa buhis sa mga negosyo. Segurado ko nga moreklamo ang mga negosyante ug motiyabaw unya ang mga konsumidor kon ipahamtang na ning bag-o nga buhis sa dakbayan.

Sa karon nga panahon nga nagsige og saka ang presyo sa lana ug sa tanan klase sa palaliton, dili maayo nga ang mga lokal nga kagamhanan mopasaka sa buhis. Maayo unta kon mapug-ngan sa mga konsehal ang pagpausbaw sa buhis.

Gani, angayan nga di sa ipasar sa konseho ang taas nga buhis tungod sa nagsingabo­t sa eleksyon. Segurado ko nga bantayan ni sila sa mga botante kon ilang ipasar ang bag-o ug hataas nga buhis sa mga negosyo nga ang una nga maapektoha­n mao ang mga konsumidor.

Ang mga consultant sa kagamhanan kabahin sa pangolekta sa buhis maayo nga mohisgot og pamaagi sa pagpausbaw sa buhis sa mga negosyo apan ilang nahikalimt­an nga ang una nga maigo sa pagpasaka sa buhis mao ang katawhan. Wa nila gitan-aw nga mas daghan tawo ang way trabaho.

PULI. Si Eric Espina, anak ni kanhi Cebu Gov. Rene Espina, ang gidungog nga maoy ipuli ni Kon. James Cuenco, nga gitangtang sa Ombudsman tungod sa kaso nga, matod pa, korapsyon. Si Konsehal Cuenco miapelar pa sa Court of Appeals sa iyang dismissal. Sa ato pa, nagpasabot kini nga dili pa mahulipan ang posisyon ni Cuenco tungod kay dili pa pinal ang iyang dismissal.

Apan kon ang Team Rama ang pasultion ila na nga palingkoro­n si Espina aron ma 9-9 na unya ang numero sa konseho ug dili gihapon makakuha og mayoriya ang BOPK ni Mayor Tomas Osmeña tungod kay si Bise Mayor Edgar Labella sakop man sa pundok sa oposisyon, nga karon PDP-Laban na. Dunay usa ka legal nga kwestiyon unya kon palingkuro­n sa Team Rama si Espina samtang wa pa mahoman ang apelasyon ni Cuenco nga nagkwestiy­on sa legalidad sa iyang pagkatangt­ang nga konsehal sa dakbayan sa Sugbo.

 ??  ??

Newspapers in Cebuano

Newspapers from Philippines