JoshLia niangkon na gyud nga uyab
Grabeng daghanang tawo sa mall show nilang Julia Barretto ug Joshua Garcia sa Robinsons Galleria Cebu niadtong Dominggo. Giuwan pa gani! Unsa pa kaha kon wa mag-uwan.
Kon kato sila tanan manan-aw lang sa pelikulang “I Love You Haters” kay showing na man ni ugma, Miyerkules, sigurado gyung box office hit!
Sa among interbyu, niangkon na sa katapusan ang JoshLia nga uyab sila. Ang ila kunong anniversary date or monthsary is April 3.
Niingon pa gyud si Julia nga dili siya magpahikap og ingon ana ni Joshua kon dili sila lovers! O, ha! Kailangan pa bang i-memorize yan! Basaha ang detalye sa atong Q and A sa Ssssuper Ka!
BTS UPDATE
Daghan gyud diay naungo aning K-Pop no! Sige kog suwat dire og mga local showbiz wa gyuy ni-react.
Paghisgot nako niadtong Martes nga mag-concert ang South Korean group nga BTS sa Cebu, hala napuno akong inbox ug Facebook sa messages.
Bitaw, wala pa nay kumpirmasyon ha! Basta ang plano nga magpa-concert sila og K-pop group sa Sugbo next year, with or without BTS.
HAPPY ENDING Padayong gitutokan sa tibuok kalibutan ang gihimong kulbahinam nga rescue operation sa nahibiling 8 pa ka mga bata ug ang ilang soccer team coach nga na-trapped sa langub sa Thailand.
Ang upat naluwas na niadtong Dominggo. Apan kon maluwas ba nila ang tanan mao nay dako pang pangutana.
Ang kuyaw kon mobaha og balik tungod sa monsoon rain. Plus pa sa kahagip-ot sa agianan ug ngingit kuno kaayo sa sulod wala silay makita.
Ang nahimutangan sa mga na-trapped dunay gilay-on nga 3.2 kilometers gikan sa entrance sa kuweba. Mokabat sa 11 ka oras ang rescue operation. Unom ka oras sa pagpadung ug 5 ka oras pabalik.
Duna nay mga movie producer ang nag-ilog aron mahimoan ni og pelikula. Hinaot happy ending lang unta. #Pray.
GUGMA LANG! Sumsoman sa local showbiz nga gipamayran na kuno ang mokabat sa 60 ka mga talent sa usa ka higanteng TV station sa Sugbo.
Dungan sa pagpanira sa ilang duha ka local shows, mao ang pagpanaktak sa ilang mga talent sa production.
Dili lang sa Cebu kundi hasta sa uban nilang estasyon sa Davao, Bacolod ug uban pa.
Kon di na mo kakita sa mga paborito ninyong personalidad sa maong estasyon, sa ato pa apil sila sa gipamayran. Mao nay giingon, bahalag magkapangka-pangka, gugma lang!