Nagsalig

Dear Noy Kulas,

Maayong adlaw. Ako d i si Belen, 32. Ang akong problema kabahin sa akong pagabuhaton ning akong kinabuhi.

Ako, nagdako nga close kaayo sa akong maguwang kay sayo nangamatay ang among parents. Sa laktod dependent ko niya bisan sa akong edad karon. Wa ko desisyon sa kinabuhi nako nga wa nako gikonsulta sa iyaha.

Minyo na siya pero until now, magsalig gihapon ko niya bisan maka support na ko sa akong life kay naa na koy work nga stable kaayo. Pero until now single ko ug way uyab kay mahadlok ko. Ang akong problema kay mo migrate na ang akong maguwang kay nag-una na ang iyang bana. Ambot naglinog na ko unsay akong buhaton kon wa na ang akong ate. Makabarog ba kaha ko og akoa nga sukad pa sa mga bata pa mi, siya na ang akong sandigan pirme.

Makatabang kaha nako kon manguyab na ko? Or makadaut ba kaha? Nganong ingon ani kaha ko? Tambagi ko, Noy.

BELEN

Belen,

Sa gamay ka pa tingali, ang imong maguwang maoy magbuot sa tanan hinungdan nga bisan wa na moy mga ginikanan, dependent gihapon ka niya. Unta, sa gamay ka pa, gipraktis ka nang daan niya nga mag independent kay usually sa mga orphaned, sagad baya mag-iyahay og panikaysikay.

Barog na og imoha kay mahimo kaayo na nimo kay duna na may imong trabaho. Kon sa trabaho nakahimo ka niani, way katarungan nga di ka mo-survive. Kay ang atoang trabaho sama ra na sa kinabuhi, magsagubang kita og mga problema. Yet bisan niana, atoang nakaya, di ba? Busa way katarungan nga di nimo na makaya.

Besides, sa technology karon, sayon ra kaayo sa imong maguwang ang pag contact nimo tungod sa internet.

Panguyab aron makasugod ka na sa pag-andam sa imong dalan nga wa ang imong maguwang. Yes, makaandam kini kanimo og maayo alang sa imong ugma. Hinayhinay lang ug pagbantay sa mga babayeng buaya.

NOY KULAS