Bearer is the owner

Dear Papa Joe,

Ako diay si Pamela, taga Northern Leyte, 15 years old. Tigbasahan ko sa imong column pinaagi sa online. Ang akong problema mao ang kabahin sa uyab sa akong bestfriend nga akong nagustuhan.

Pareho ming high school students sa akong bestfriend nga si Tamara. Gwapa kaayo ni siya ug campus crush pa gyud. Daghan gyud kaayo ang nakagusto niyang mga lalake ug kasagaran ari mag-agi nako kay lagi ako ang iyang bestfriend ug perming naa sa iyang kilid.

Mostly, mauyab ni Tamara masuod gyud nako kay ako ang ilang bearer. Pila na ka higayun nga ang ex-BF ni Tamara, inig kahuman nila ari paingon nako. Meaning ila sab kong panguyaban, pero wala gyud ko mopatol kay I know gihimo lang kong panakip butas.

Recently, gibuwagan nasab ni Tamara ang iyang uyab nga maoy akong pinaka ganahan sa tanan. As usual diri ni confide nako ug nagkasuod mi. Hangtud nga ni kiss siya sa akong lips. Siya gyud ang akong first kiss.

Ang problema kay kalit lang nga gusto na sab ni Tamara nga balikan ang boy ug iya pa gyud kong gisugo nga makig estorya siya niini. Nakulbaan ko at the same time nasakitan to think nga magbalik sila. Unsa ra man diay tong amo? Iya na raba kong na kissan sa lips. Please tambagi ko.

PAMELA

Dear Pamela,

Normal ra sa inyong pangedaron nga mag ibog-ibog. Halos tanang tawo nakaagi niana, pero kinahanglan kontrolon nimo ang imong feelings. Ayaw padala sa imong gibati kay basin mao ra nay makaguba sa imong pagtuon.

Bata pa kaayo ka ug duna pay daghang lalake nga makaila. For the meantime focus sa imong studies.

About sa boy nga ex-bf sa imong amiga, ang maayo siguro nimong buhaton nga mo give-way ka. Let the boy decides og kinsay iyang gusto. Mailhan ra nimo kon tinud-anay siya kay siya mismo ang mag effort ninyong duha. I hope nakasabot ka.

PAPA JOE